Месси “реалчилар”ни доғда қолдирди

Ranker портали ўз обуначилари ўртасида  XXI  асрнинг энг зўр футболчисини аниқлаш бўйича сўровнома ташкил қилди.

Айни пайтга қадар берилган овозлар Лионель Мессини биринчи ўринга олиб чиқди. “Барселона” етакчисидан кейинги ўринларни каталонияликларнинг ашаддий рақиби – “Реал”да порлаган Криштиану Роналду ва Зинедин Зидан эгаллаб турибди.

Шунингдек, сўровномадаги овозлар сонига кўра, кучли ўнликдан Роналдо, Роналдиньо, Андрес Иньеста, Пауло Мальдини, Хави, Тьерри Анри ва Кака ҳам жой олган.

Ҳозир фаолиятини давом эттираётган юлдузлардан Неймар 89-ўринда, Килиан Мбаппе эса бразилиялик ҳужумчидан икки поғона пастда жойлашган.