Месси ва Неймар курашга қўшилди
“Барселона” сардори Лионель Месси дунё бўйлаб давом этаётган ирқчиликка қарши кураш акциясига қўшилди. Ушбу акция мусиқа соҳасида фаолият юритаётган қора танли аёллар – Жамила Томас ва Брианна Агьеманг томонидан ташкил этилган. Тобора оммалашиб бораётган #BlackOutTuesday флэшмоби АҚШда полиция томонидан афроамерикалик Жорж Флойднинг ўлдирилишига қарши ўтказилмоқда.
Лео уларни қўллаб қувватлаш мақсадида ўз твиттер саҳифасида #BlackOutTuesday хэштеги билан қора квадрат шаклини қўйди. Уни ПСЖ ҳужумчилари Неймар, Килиан Мбаппе, “Ювентус” ҳужумчиси Пауло Дибала, Украина бош Андрей Шевченко қўллаб-қувватлади.
Таъкидлаш жоизки, Жорж Флойд полиция ходими томонидан гумон бўйича қўлга олинган лекин қонун ҳимоячиларига ҳеч қандай қаршилик кўрсатмаган. Шундай бўлса-да, полициячи Дерек Шовин унинг томоғини 10 дақиқа давомида тиззаси билан босиб турган. Жоржнинг бир неча маротаба нафас ололмаётганидан шикоят қилиши ҳам унга таъсир қилмаган. Нафас етишмовчилигидан ҳушини йўқотган Флойд касалхонада вафот этди. Полициячининг ноқонуний ҳаракатлари норозилик намойишларини келтириб чиқарди.
Фикрлар