Ҳусановдан ўтолмадинг-ку! “Арсенал” машҳур ҳужумчидан воз кечади
Англия Премьер-лигасининг бешинчи туридан ўрин олган “Арсенал” ва “Манчестер Сити” ўртасидаги учрашувда мезбонлар ҳужумчиси Леандро Троссар ва ўнг қанотда унга қарши ўйнаган Абдуқодир Ҳусановнинг рақобати кўпчиликнинг эътиборини тортди.
Бир вазиятда ҳужумга чиқиб кетган Троссардан анча узоқда турган Ҳусанов катта тезликда югуриб рақибидан ўзиб кетди ва ундан тўпни олиб қўйди. Бу вазият ҳамон муҳокамаларга сабаб бўлмоқда.
Энди “Арсенал” раҳбарияти бельгиялик ҳужумчини бошқа клубга ўтказадиган бўляпти. Бир неча манбаларнинг ёзишича, “канонирлар” келаси ёзда “Ювентус”нинг 20 ёшли ҳужумчиси Кенан Йилдизни қўлга киритмоқчи.
Лондон клуби бу трансфер учун туринликларга Троссарни олишни таклиф қилмоқчи ва 60 миллион евро миқдорида бадал пули ҳам тўлайди. Айни пайтда “Арсенал” мутасаддилари “Ювентус” билан трансфер бўйича дастлабки алоқаларни ўрнатгани айтилмоқда.
Кенан Йилдизнинг “Ювентус” билан амалдаги шартномаси 2029 йилнинг ёзигача давом этади. 30 ёшли Троссарнинг инглизлар билан ҳамкорлик битими яна икки мавсум давом этиши белгиланган.
Бельгия терма жамоаси аъзоси Леандро Троссар "Генк" клуби тарбияланувчиси ҳисобланади. Ўз юртида "Ломмел Юнайтед", "Вестерло" ва "Лёвен" клублари шарафини ҳам ҳимоя қилган.
Ҳужумнинг бир неча нуқтасида ўйнай оладиган футболчи Англияга 2019 йили келган. Ўшанда "Брайтон" уни "Генк"дан 15,55 миллион еврога сотиб олган эди. 2023 йилнинг ёзида "Арсенал" ҳужум чизиғини кучайтириш мақсадида 24 миллион еврога ўз сафига қўшиб олди.
Троссарга ўзини кўрсатиш имконини бермаган Абдуқодир Ҳусанов Англия Премьер-лигасига шу йил бошида келган. Ҳамюртимиз ҳозиргача "Манчестер Сити" таркибида барча турнирларда 15 та ўйин ўтказиб, ўз ҳисобига битта гол ҳам ёздириб қўйган. Абдуқодир дастлаб, "Бунёдкор"нинг академиясида таҳсил олган. Профессионал фаолиятида давомида Беларуснинг "Энергетик-БГУ" ва Франциянинг "Ланс" клубларида ўйнаган.
Бунақада Ҳусанов жойини бой беради!
Гвардиола Ҳусановга қандай талаблар қўйди?
“Қоя”, “Жангчи” ёки “Афсунгар”: Ҳусановнинг Англияда яна қандай лақаблари бор?
Фанатлар талаби: Ҳусановни “Барса”га олиб келинг!
Ҳусанов қачон майдонга қайтишининг аниқ санаси эълон қилинди!
Фанатлар Ҳусановдан мўъжиза кутяпти!
“Сити” Ҳусановсиз ўйнашни ўрганиши керак
Фикрлар