Месси янги шартнома борасида келишиб олади

"Барселона" яқин вақт ичида ўз ҳужумчиси Лионель Месси билан янги шартноманинг барча тафсилотларини келишиб олади.

Янги келишув 2023 йилгача мўлжалланади, аммо 1+1 схемасида битим тузилади.

Аргентиналикнинг Каталония клуби билан амалдаги шартномаси 2021 йилнинг ёзида ўз ниҳоясига етади.

Месси битим муддати тугашидан бир йил олдин ўз келажаги борасида бир тўхтамга келади.

Жамоа сардорининг "кўк-анорранглилар" билан келишуви доим 10 июнь санасигача қилиб белгиланган ва ҳар мавсум якунида жамоани тарк этиш имкониятига эга.

6 карра "Олтин тўп" соҳиби 2000 йили "Барса"нинг академиясига қабул қилинган ва 2003 йилдан бошлаб, асосий жамоа учун тўп тепиб келади.