Messi yoki Ronaldu?

"Chelsi" bosh murabbiyi Frenk Lempard "Barselona" forvardi Lionel Messini "Yuventus" hujumchisi Krishtianu Ronaldudan yuqori qo‘yishini aytdi.

“Messi yoki Ronaldu? Dahshatli savol! Iqtidor jihatidan Messini tanlayman. Lekin Ronalduning natijalari hayratlanarli”, - dedi ingliz murabbiyi.

33 yoshli Messi joriy mavsum 7 ta o‘yinda maydonga tushdi va o‘z hisobiga 3 ta gol hamda 4 ta golli uzatma yozdirib qo‘ydi. 35 yoshli Ronaldu 2 ta o‘yinda ishtirok etdi va 3 ta gol urdi. U hozir koronavirusdan davolanmoqda.