Мессига эшикларимиз ҳамиша очиқ!

Яқинда “Барселона” президенти Жоан Лапорта келажаги порлоқ ёш жамоа шакллантираётгани ва унда Лионель Мессига ўрин йўқлигини таъкидлаганди. Бунга жавобан аргентиналик юлдуз Лапорта даврида Каталонияга қайтмаслигини айтди.

Энди Жоан Лапорта фикрини ўзгартирган кўринади. Навбатдаги интервьюсида Месси клубга келиши мумкинлигини билдирди.

- “Барселона” эшиклари доимо Месси учун очиқ. Агар у менга қўнғироқ қилиб, қайтиш истагини билдирса, буни гаплашиб олардик. Агар у қайтса, мен хурсанд бўламан, - деди Жоан Лапорта RTVE журналистларига.

Лионель Месси фаолиятини “Барселона”да бошлаб, 2021 йилнинг августигача каталонияликлар шарафини ҳимоя қилган. Молиявий фэйр-плей туфайли аргентиналик юлдуз жамоаси билан янги битим имзолай олмади.