Мессига қимматли маслаҳат!

“Ливерпуль”нинг собиқ футболчиси Стив Никол ПСЖ ҳужумчиси Лионель Мессига “Барселона”га қайтмасликни маслаҳат бериб, Криштиану Роналдунинг муваффақиятсизлигини мисол қилди.

- Роналдунинг “Манчестер Юнайтед”га қайтгани нега муваффақиятсиз чиққанини тушунишга ҳаракат қиляпман, лекин бирор жавоб топа олганим йўқ.

Шунга кўра, Лионель Месси ҳам “Барселона”га қайтмаслиги керак, деган фикрга келдим.

Лео Испанияда нималар қилган бўлса ҳам, ҳаммасини шундай қолдириши керак. Ортга қайтиб, эришганларини ёмонлаштириш шарт эмас. Мана Роналду ўзидан қолган ёрқин хотираларга путур етказиб қўйди.

Гап шундаки, Роналду захира ўриндиғида ўтириб, ўйин томоша қилишга мажбур бўлмоқда. Одамлар унинг бу ҳолатини унутмайди, - деди Стив Никол.