Мессини ҳайратга солган футболчи ким?

Саккиз карра “Олтин тўп” соҳиби Лионель Месси узоқ йиллар давомида замонавий футболнинг энг зўр ўйинчиси номини Криштиану Роналду билан талашиб келган.

Ҳозир ҳар икки юлдуз профессионал фаолиятининг сўнгги босқичини ўтказмоқда. “Интер Майами”да ўйнаётган аргентиналик юлдуз ҳозирги пайтда ўзи энг зўр, деб билган беш футболчи номини айтди.

- Шуни таъкидлашим мумкинки, энг зўр футболчилар – ҳозир ўйнаётган юлдузлардир. Уларни бутун дунёдан фанатлар кузатиб келади, болалар уларга ўхшашга учун тақлид қилади.

Бугунги кунда энг зўрлари Килиан Мбаппе, Эрлинг Холанд, Ламин Ямал, Винисиус Жуниор ҳамда Роберт Левандовскидир.

Ямал қилаётган ишлар, 17 ёшидаёқ эришган натижалар барча қатори мени ҳам ҳайратга солади. Бунақа футболчиларнинг келажаги порлоқ бўлади, - деди Месси.

Европада “Барселона” ва “Пари Сен-Жермен” клубларида катта ютуқларни қўлга киритган Лионель Месси 2023 йилнинг ёзидан бери “Интер Майами”да ўйнаяпти. Унинг амалдаги шартномаси 30 июнь куни якунланади.