Мессини катта рекорд кутяпти

“Барселона” етакчиси Лионель Мессини тез орада яна бир тарихий рекорд соҳибига айланиши кутилмоқда.

Аргентиналик ҳужумчи яна 18 та учрашувдан кейин “барселонеа”да энг кўп ўйин ўтказган футболчига айланади. Ҳозирча, Месси каталонияликлар таркибида 750 та учрашувда майдонга тушган.

Бу борадаги рекорд натижа ҳозирча Хавига тегишли бўлиб турибди. Испаниялик футболчи “Барса” таркибида 767 та учрашувда иштирок этган.

Лионель месси ҳозирнинг ўзида Ла Лигадаги ғалабалар (369 та), голлар (451 та) ва чемпионлик (10 та)сони бўйича рекордчи ҳисобланади.