Мессининг калласи жойида эмас...

ПСЖ собиқ футболчиси Жером Ротен аргентиналик юлдуз Лионель Мессини Париждаги фаолиятини кескин танқид қилди.

- Месси машғулотни ташлаб кетган кунни эслайсизми? Клуб унинг бу қилиғини кичкина жароҳати борлиги билан изоҳлаб, муаммони яширишга уринди. Лекин бу ёлғон.

Сабаб нима эди? Мессига машғулот жараёнида берилган кўрсатмалар малол кела бошлаган. Унинг калласи жойида эмас. Шунинг учун ҳам машғулотни тўхтатди. Кийим алмаштириш хонасига қайтди, душ қабул қилди ва кетиб қолди.

Унинг бу хатти-ҳаракатлари мураббийни ва жамоадош дўстларини қанчалик “ҳурмат” қилишини кўрсатди. У кўпинча машғулотлар темпини ўзгартиришга уринди, эрталаб машқ қилишни истамасди.

Буни бир неча маротаба айтиб, эрталабки машғулотлар бефойда экани ва куннинг иккинчи ярмида машқ қилиш кераклигини таъкидлаган эди. Лекин мураббийлар штаби буни инобатга олмади. Бу ҳолат Месси жамоага мослашмаслик учун кўп нарсани ўзгартиришга ҳаракат қилганини кўрсатади, - деди Жером Ротен.