Мессининг Марадона билан зиддиятлари ҳақида маълумотлар чиқа бошлади

Лионель Месси Аргентина терма жамоасини Диего Марадона бошқарган даврда бир неча бор жамоадан кетиш ҳақида ўйлаб кўрган. Бу ҳақда аргентиналик журналист, Месси билан учта катта интервью муаллифи Серхио Левински маълум қилди.

Унинг сўзларига кўра, ўша пайтда Марадона терма жамоада, аввало, Хавьер Маскерано ва Карлос Тевесга таяниб иш кўрган. Месси ҳақида эса у Лионелни «яхши ўйинчи» деб баҳолаган, бироқ уни ўзининг ўйин даражасига тенглаштирмаган.

«Месси бир неча марта термадан кетишни истаганини айтган, чунки вазият жуда оғирлашиб кетганди. Марадона баъзан омма олдида айтмаслик керак бўлган гапларни ҳам очиқ айтарди. Жамоада бундай даражадаги ноёб истеъдод бўлса, унинг атрофида алоҳида муҳит яратиш керак», – дея Левинскининг сўзларини келтиради «Спорт-Экспресс» нашри.

2026 йилги жаҳон чемпионати Месси учун фаолиятидаги олтинчи мундиаль бўлди. Турнирнинг илк ўйинида, Жазоирга қарши баҳсда у хет-трик қайд этди. 2022 йилда Қатарда ўтган жаҳон чемпионатида Месси Аргентина терма жамоаси билан кубокни қўлга киритган эди. Жорий мусобақа давомида унга 39 ёш тўлади.