Мессининг трансфери "Манчестер Сити" футболчисининг тақдирига таъсир қилиши мумкин

Лионель Месси ёзда "Барселона"га қайтиши мумкин. Аввал хабар қилинганидек, Каталония клуби аргентиналик футболчини яқин ҳафталарда ўз сафига қўшиб олиши мумкин.

Журналист Тони Хуанмарти маълум қилишича, агар “Барселона” Мессини қайтарса, Илкай Гюндоган билан шартнома имзолаш варианти музлатилади.

Гюндоганнинг “Манчестер Сити” билан амалдаги шартномаси июнь ойи охиригача ўз якунига етади.

Эслатиб ўтамиз, Лео икки мавсумдан сўнг ПСЖни тарк этиши эълон қилинган эди. 35 ёшли аргентиналик футболчига "Барселона"дан ташқари "Ал-Ҳилол" ва "Интер Майами" ҳам даъвогарлик қилмоқда.