"Металлург" - "Навбаҳор": матнли трансляция
- 90'
Ўйин ўз якунига етди. "Навбаҳор" меҳмонда ишончли ғалабага эришди. Матнли трансляцияни Абдулвосид Валихонов олиб борди.
- 90+'
Темур Тўхтасинов учрашув асосий вақтига 5 дақиқа қўшиб берди.
- 89'
Ўткир Юсупов рақиб футболчиларининг мураккаб зарбасини қайтаришга эришди.
- 79'
Павель Голишев Иван Соловьовни алмаштирди.
- 78'
Қутибаев рақиб жарима майдони ичида хавфни юзага келтирди. Ҳимоячилар ҳотиржамлик билан вазиятни бартараф этишди.
- 77'
Иван Соловьевнинг рейдидан сўнг Болов яна гол уриши мумкин эди. Аммр зарба ноаниқ.
- 75'
ГОООООООЛЛЛЛЛЛ!!! Ҳозиргина майдонга тушган Руслан Болов ҳисобни ишончли кўринишга келтириб қўйди.
- 72'
Ислом Рашидхонов ўрнига Жавлон Иброҳимов, Забиҳилло Ўринбоев ўрнига эса Руслан Болов майдонга туширилди.
- 69'
Дониёр Нарзуллаев ўрнига Муродбек Бобожонов майдонга тушди.
- 69'
"Металлург"нинг бурчак тўпи дарвозабон томонидан зарарсизлантирилди.
- 67'
Станислав Андреев томонидан амалга оширилган бурчак тўпи бироз кучли чиқди.
- 64'
Азим Аҳмедов рақибга нисбатан ишлатган қўполлиги учун огоҳлантирилди.
- 62'
Саламат Қутибаев жарима майдони ичидан йўллаган зарбаси ноаниқ кетди.
- 59'
Иван Соловьовнинг олис масофадан берган зарбаси дарвоза устидан ўтиб кетди.
- 57'
Ислом Исоқжонов ўрнига Аббос Ғуломов майдонга тушди.
- 55'
Аброрбек Тошқўзиев ўрнига Абдураҳмон Абдулҳақов майдонга тушди.
Акбар Исматуллаев эса ўз ўрнини Зоҳид Абдуллаевга бўшатиб берди.
- 52'
Исоқжонов "Навбаҳор"нинг навбатдаги муваффақиятсиз бурчак тўпини амалга оширди.
- 46'
Иккинчи тайм бошланди.
- 45+'
Биринчи тайм якунланди.
- 45+'
Тайм сўнгида бекободликларнинг бурчак зарбаси Чумак томонидан кўкка совурилди.
- 45+'
Биринчи бўлимга 3 дақиқа вақт қўшиб берилди.
- 39'
ГООООООЛЛЛЛЛ!!! Азиз Турғунбоевдан дубль. Жарима майдони ташқарисидан берилган зарба дарвоза тўрига бориб тушди.
- 38'
"Металлург"нинг бурчак зарбаси бесамар якунланди.
- 34'
Азиз Турғунбоев дарвозабонга нисбатан қўполлик ишлатганлиги учун огоҳлантирилди.
- 31'
"Навбаҳор" футболчисининг ўткир бурчакдан берган зарбаси ноаниқ бўлди.
- 25'
"Навбаҳор"нинг кетма-кет икки марта амалга оширган бурчак тўпи ҳимоячилар томонидан қайтарилди.
- 23'
"Металлург"нинг хавфли ҳужумлар серияси "Навбаҳор" учун хайрли якунланди.
- 21'
ГОООООООЛЛЛЛЛЛ!!! Андреев ҳисобни тенглаштирди.
- 20'
Пенальти! Наманганликлар футболчиси тўпни қўли билан ўйнади.
- 19'
"Металлург" футболчиси чапроқдан дарвозабон билан яккама-якка вазиятга чиқиб борди. Ўткир Юсупов жамоасини қутқарди.
- 15'
"Металлург"нинг бурчак зарбасидан сўнг Аббос Отахонов тўпни дарвозага йўллай билмади.
- 11'
Забиҳилло Ўринбоевнинг узоқ масофадан берган зарбаси кучсиз чиқди.
- 10'
ГОООООЛЛЛЛЛЛ!!! Азиз Турғунбоев рақиб хатосидан фойдаланиб ҳисобни очди.
- 4'
"Навбаҳор"нинг ҳужуми чап қанотдан ривожланиб борди. Жарима майдони марказига узатилган тўпга Исоқжонов зарба бера олмади.
- 1'
Учрашув бошланди!
- 0'
Жамоалар миллий чемпионатимиз мадҳияси садолари остида майдонга тушиб келишмоқда.
Фикрлар