"Металлург" яна бир халқаро ўртоқлик ўйинини ўтказади

Қурбон ҳайити байрами муносабати билан икки кунлик таътилга чиқарилган “Металлург” ўйинчилари кечадан эътиборан мамлакат миллий чемпионатининг 13-турига тайёргарликнинг иккинчи босқичини бошлаб юборишди.

Машғулотлар икки маҳалдан олиб борилмоқда. Эрталабки дастурдан фитнес машғулотлар ўрин эгаллаган бўлса, куннинг иккинчи ярмида тўп билан ишлаш машғулотларига эътибор бериляпти.

Бу босқичда ҳам битта назорат ўйини режалаштирилган. Рақиб Тожикистон Республикасининг “Хўжанд” жамоаси бўлади. Ўйин 24 июль санасига белгиланган.

Эслатиб ўтамиз, яқинда "Металлург" клуби Тожикистоннинг амалдаги чемпиони "Истиқлол"га қарши майдонга тушиб 0:1 ҳисобида мағлубиятга учраган.

Фикрлар

Фикр қолдириш учун авторизациядан ўтинг!