MGM Grand аренада Уайлдер реванш жангини ўтказди ва бошқа жанглар ҳам бўлиб ўтди

Тошкент вақти билан 23 ноябрдан 24 ноябрга ўтар кечаси АҚШнинг Лас-Вегас шаҳридаги MGM Grand аренасида бокс бўйича турнир бўлиб ўтди.

Мусобақанинг марказий жангида оғир вазн тоифасидаги WBC чемпиони Деонтей Уайлдер (42-0-1, 42 КО) реванш жангида Луис Ортис (31-2, 26 КО) ни мағлуб этди. Чемпион Ортисни еттинчи раундда нокаутга учратди.

Қолган натижалар:

Лео Санта Крус (37-1-1, 19 КО) ва Мигел Флорес (24-3, 12 КО) қарама-қаршилигида хакамлар бир овоздан Круснинг ғалабасига қарор чиқаришди.

Биринчи ярименгил вазнда WBA чемпиони Брэндон Фигероа (20-0-1, 15 КО) Хулио Сеха (32-4-1, 28 КО) га қарши рингга кўтарилди. Жанг 12 раунд бўлиб ўтди ва дуранг билан якунига етди (115-113, 112-116 ва 114-114).