"Милан" "Арсенал" футболчисини сотиб олиш фикридан қайтди. Чунки...

“Милан” клуби “Бешиктош”да тўп сураётган “Арсенал” ярим ҳимоячиси Муҳаммад Эл-Неннига қизиқиш билдирмаяпти.

Италиялик журналист Николо Скиранинг хабар беришича 27 ёшли мисрлик футболчининг хизматларини “россонерилар” спорт директори Паоло Мальдинига таклиф қилишган, бироқ, “Милан” раҳбарияти жамоага бошқача характердаги футболчи кераклигини маълум қилишган.

Маълумот учун, Эл-Ненни жорий мавсум Туркия Суперлигасида 10 та ўйинда майдонга тушди ва 1 та голли узатмага муаллифлик қилди.