"Милан" Доннарумма билан деярли келишувга эришди, навбат Хаканга

"Милан" раҳбарияти дарвозабон Жанлуижи Доннарумма билан амалдаги шартномани узайтириш бўйича деярли келишувга эришди.

Football Italia нашри тарқатган хабарга кўра, “россонерилар” Доннаруммага йилига 6,5 млн евро маош таклиф қилмоқда. Жанлуижи эса 1 млн евро кўпроқ сўрамоқда.

“Милан” раҳбарияти айни дамда туркиялик ярим ҳимоячи Хакан Чалханоглу билан ҳам шартномани узайтириш бўйича музокараларни давом эттирмоқда.