"Милан" сардори ёзда АПЛ клубига ўтиши мумкин

"Эвертон" клуби "Милан" ҳимоячиси Алессио Романьолини ўз сафига қўшиб олмоқчи. Бу ҳақда Calciomercato нашри хабар тарқатмоқда.

Юқоридаги манбага кўра, ливерпулликлар 25 ёшли футболчи учун “россонерилар”га 35 млн евро тўлашга тайёр. Бундан ташқари, унга “Барселона”дан ҳам қизиқишлар бор.

Романьоли жорий мавсум “Милан” сафида 29 та ўйинда майдонга тушди. Унинг клуб билан амалдаги шартномаси эса 2022 йилга қадар имзоланган.