"Милан" ва Доннарумма ўртасидаги музокаралар нега тўхтатилди?

"Милан" клуби раҳбарияти дарвозабон Жанлуижи Доннарумма билан шартномани узайтириш бўйича музокараларни вақтинча тўхтатди.

Football Italia нашри тарқатган хабарга кўра, томонлар ўртасидаги музокаралар футболчининг агенти Мино Райола Италияга келгач давом эттирилади. Айтиш лозимки, “россонерилар” 21 ёшли посбон билан 2022 йилга қадар шартнома имзолашмоқчи.

Доннарумма “Милан” тарбияланувчиси ҳисобланади. У жорий мавсум 26 та ўйинда майдонга тушди ва ўз дарвозасидан 26 та гол ўтказиб юборди. Унинг амалдаги шартномаси эса 2021 йилда ўз ниҳоясига етади.