"Милан" ва "Интер" клублари собиқ бош мураббийи 2 ойлик фаолиятидан сўнг турк клубидан ҳайдалди

Туркиянинг “Антальяспор” клуби бош мураббийи Леонардо истеъфога чиқарилди. Бу ҳақда клуб расмий сайти хабар тарқатмоқда.

Берилган маълумотларга қараганда томонлар ўзаро келишган ҳолда амалдаги шартномани бекор қилишган. Айтиш лозимки, 48 ёшли италиялик мутахассиснинг “Антальяспор”да фаолият бошлаганига эндигина икки ойдан ошган эди.

Маълумот учун, Леонардо бошчилигидаги жамоа ўтган вақт мобайнида Туркия чемпионатида 5та ва мамлакат кубогида 1та учрашув ўтказган эди. “Антальяспор” ушбу ўйинларнинг 2тасида ғалаба қозонган бўлса, яна 2та ўйинда мағлубиятга учраган. Қолган 1та баҳсда эса нурсиз дуранг қайд этган эди.

Эслатиб ўтамиз, Леонардо фаолияти давомида "Интер" ва "Милан" каби номдор жамоаларни бошқарган.