"Милан" ярим ҳимоячиси Туркия клубига ўтишни истамаяпти

"Милан" ярим ҳимоячиси Исмаэль Беннасер Туркия клубига ўтишни рад этишда давом этмоқда. Бу ҳақда инсайдер Фабрицио Романо хабар бермоқда

"Трабзонспор" футболчига таклиф берган, бироқ 27 ёшли ўйинчи бу трансферни маъқулламаган. Ҳозирча келишувга эришилмаган, аммо музокаралар давом этмоқда.

"Милан" Беннасерга ишонч билдирмаяпти ва у билан хайрлашишга тайёр. Ўтган мавсумнинг иккинчи ярмини жазоир футболчиси Франциянинг "Марсель" жамоасида ижара асосида ўтказди. Transfermarkt ярим ҳимоячининг қийматини 15 миллион еврога баҳоламоқда.