Миллатлар Лигаси. Испания - Швейцария: Матнли трансляция

УЕФА Миллатлар Лигаси 3-туридан ўрин олган Испания - Швейцария учрашувини ушбу саҳифа орқали матнли трансляцияда кузатиб боришингиз мумкин. Ўйиндаги хавфли вазиятлардан ўз вақтида бохабар бўлиб туриш учун саҳифани янгилаб туриш тавсия этилади.

• 90'
  

  Учрашув якунланди. Матнли трансляцияни Абдулвосид Валихонов олиб борди.

• 90+'

  Жарима майдонига узатилган навбатдаги тўпни ҳам Де Хеа ушлаб олди.

• 90+'
  

  Асосий вақтга 4 дақиқа қўшиб берилди.

• 89'

  Шакирининг жарима майдонига узатган тўпини Де Хеа хотиржамлик билан ушлаб олди. Унга нисбатан фол ҳам ишлатилди.

• 88'
  

  Ферран Торрес ўз ўрнини Родрига бўшатиб беряпти.

• 86'
  

  Видмер ва Фройлер ўрнига Гавранович ва Фернандеш майдонга туширилди.

• 84'

  Испания тўпни Швейцарияга топширди. Энрике ҳимояда мустаҳкамликни таъминлашни мақсад қиляпти, шекилли.

• 81'

  Морено рақиб хатосидан фойдаланиб кета олмади. Зарба оёққа мослашмади.

• 81'
  

  Цубер Бенито ўрнига майдонга тушди.

• 80'
  

  Бурчакдан меҳмонлар узатган тўпни майдон эгалари жарима майдони ташқарисига тепиб юборди.

• 76'

  Испанлар яна жарима майдони атрофида ўз имкониятини изламоқда.

• 74'
  

  Фройлер ҳакам ҳуштагидан сўнг, тўпни тепиб юборгани учун огоҳлантирилди.

• 74'

  Испанларнинг бурчакдан узатган тўпини ҳимоячилар узоқлаштирди.

• 73'
  

  Оярсабаль ўз ўрнини Моренога бўшатиб берди.

• 73'

  Траоренинг узатмасини Родригес жарима майдони ичига қўйиб юбормади.

• 72'

  Ферран Торрес ўнг қанотдан юриш амалга оширди. У бироз вазиятни чўзиб юборди ва ўткир бурчакка тақалиб қолди. Натижада, узатмаси ўхшамади.

• 70'
  

  Сеферович майдондалиги мана у офсайдда қолиб кетгач, маълум бўлди.

• 68'
  

  Испанларнинг кетма-кет 3 та бурчак зарбаси наф келтирмади.

• 67'
  

  Бурчакдан узатилган тўпга Рамос қийинчилик билан зарба йўллашга эришди. Ҳимоячилар уни зарарсизлантира олдилар.

• 66'

  Швейцария сўнгги дақиқаларга куч сақлаяпти, чоғи. Ҳужумда Испания.

• 64'
  

  Мерино майдон марказида ишлатган қўполлиги учун сариқ карточка билан жазоланди.

• 63'

  Траоренинг қанотдан ёриб киришига сўнгги паллада ҳимоячилар йўл қўймади.

• 61'

  Оярсабаль тўпни қабул қилишда бироз кучлироқ унга тегиниб юборди. Соммер вазиятни осонликча бартараф этди.

• 60'
  

  Соу ва Меҳмеди ўрнини Шакири ҳамда Варгасга бўшатиб бермоқда.

• 60'
  

  Бурчакдан узатилган тўпга Мерино ноаниқ зарба йўллади.

• 59'

  Траоре узатган тўпга Оярсабаль зарба бера олмади. Тўп бироз баланддан ўтиб кетди.

• 57'
  

  Ольмо, Фати ўрнига Каналес ва Траоре майдонга ташланди.

• 56'
  

  Оярсабаль майдонда тиббий ёрдам олмоқда.

• 55'

  "Қизиллар" ҳимояда хушёрликни оширишди. Ҳужумлар бироз камайди.

• 53'

  Меҳмедининг кучсиз зарбаси яхшигина қарши ҳужумни барбод қилди.

• 52'

  Оярсабаль бўш дарвозага зарба йўллай олмади. Испанлардан навбатдаги хавфли ҳужум.

• 51'

  Швейцария ўйинни бироз дарвозасидан узоқлаштиргандек.

• 49'

  Фатининг рейди фойда келтирмади. Узатма йўлини ҳимоячилар тўсиб қўйди.

• 47'

  Испаниялик ҳужумчининг зарбасини ҳимоядагилар блоклашга эришди.

• 47'

  Иккинчи бўлимни ҳам "қизил фурия" прессинг билан бошлади. 

• 46'
  

  Иккинчи тайм бошланди.

• 45'
  

  Ҳакам биринчи бўлимга ҳеч қандай вақт қўшиб бермади. Танаффус.

• 45'
  

  Меҳмеди офсайдда қолиб кетди ва ҳужум тўхтатилди.

• 42'

  Тайм сўнгида темп бироз тушди.

• 40'

  Энрике шогирдларининг прессинглари қарийб фойда бермоқда. Меҳмонлар эҳтиёт бўлиши зарур. Гол ҳам айнан мана шундай ҳолатда урилди.

• 37'

  Фати Ольмо билан ажойиб тарзда "девор" ўйнади. Аммо ҳимоячилар уни секинлашишга мажбур қила олди ва дарвозабон уни ушлаб олди.

• 36'

  Тўп назорати 66 - 34. Мезбонлар фойдасига.

• 35'

  Швейцария ҳимоячилари ва дарвозабон бироз хавфли ўйнади. Сал бўлмаса, ҳисоб ўзгариши мумкин эди.

• 33'

  Гайянинг узатмалари бугун ўтмаяпти. Мана улардан бири. Ҳимоячилар унинг пасларини олдиндан ўқиб олмоқда.

• 30'
  

  Шернинг Торресга ишлатган қўполлиги ҳакам томонидан сариқ карточкага лойиқ кўрилди.

• 28'
  

  Навас жуда ажойиб узатма амалга оширди. Ферран Торреснинг бош билан берган зарбасини Соммер бир амаллаб қайтарди.

• 27'

  Жаримадан узатилган тўп ўта ноаниқ бўлди. Испанлар стандартни кўкка совурди.

• 25'

  Энди Петкович шогирдлари ҳам мезбонлар ярим майдонида босим уюштира бошлади. 

• 23'

  Испания ҳамон прессингда фаол.

• 21'

  Фати анча фаол ҳаракат қилмоқда. 

• 19'

  Гайянинг жарима майдонига узатган тўпи жуда муваффақиятсиз чиқди.

• 17'

  Швейцария энди олдинга боришга мажбур бўлади. Испанлар эса кўпроқ бўш ҳудудларга эга бўлиши мумкин.

• 15'
  

  ГОООООООООООООООЛЛЛЛЛЛЛЛЛЛЛЛЛЛЛЛ!!! Ойарсабал испанларнинг прессинг орқали олиб қўйган тўпини дарвозага жойлаб қўйди. 

• 14'

  Фати жарима майдони ичида йиқитилди. Аммо ҳакам пенальти йўқ деб ҳисоблади.

• 12'
  

  Бурчак зарбаси фойда келтирмади. Швейцариянинг юриши хавфли чиққанини яна бир бор таъкидласак арзийди.

• 11'
  

  Швейцария жуда хавфли қарши ҳужуми Бенитонинг ўта хавфли зарбаси билан якунланди. Де Хеанинг маҳоратигина испанларни яққол голдан қутқариб қолди.

• 9'

  Швейцарлар бироз муддат тўпга эгалик қилгач, яна уни бой беришди. "Қизил фурия" босим уюштирмоқда.

• 7'

  Жарима майдонига узатилган тўпни Пау Торрес қайтариб юборди.

• 6'

  Де Хеа ўз вақтида ўз ярим майдони марказигача чиқиб бориб, тўпни тепиб юборди. Соммер ҳамкасбидан тўпни қабул қилиб олди.

• 5'

  Меҳмонлар тўпга эгалик қилиш орқали ўйинга киришиб олмоқчи. Аммо прессинг жуда кучли.

• 4'

  Сеферович ҳужумда қоидани бузди.

• 3'

  Гайя қанотда тўпни йўқотди. Техник хато сабаб, тўп швейцарияликларга ўтиб кетди.

• 2'

  Дастлабки дақиқалардаёқ испанлар тўп назоратини қўлга олмоқда.

• 1'

  Испанларнинг дастлабки ҳужуми бесамар якунланди. Фатининг паси ноаниқ.

• 1'
  

  Ўйин бошланди.

• 0'

  Сардорлар тўп ва майдон томони масалаларини ҳал қилиб олишди.

• 0'

  Жамоалар майдонга тушиб келишди. Икки давлат мадҳиялари янграмоқда.

• 0'

  Ассалому алайкум, азиз футбол ихлосмандлари. Испания ва Украина жамоалари ўртасидаги учрашув бошланиш арафасида. Матнли трансляцияни Абдулвосид Валихонов эътиборингизга ҳавола этади.