"Лига кубоги мусобақаси учрашувига жиддий тайёргарлик олиб борган эдик ва бу якунда ўз самарасини берди. Шунингдек, таркибдаги кам ўйин амалиётига эга бўлаётган футболчиларга бугун ўйнаш имконини тақдим этдик. Улар бугун ёмон ҳаракат қилишмади. Бугун, шунингдек, “Қизилқум” жамоаси ҳам яхши ўйин намойиш этди. 

АГМК ҳар бир ўйинда майдонга чиройли ўйин намойиш этиш учун чиқади. Лига кубогида қайси жамоа зафар қучади, буни билмайман. Олдиндан тахмин қилиш қийин. Лекин биз ҳам ҳар бир ўйинда мухлисларга ёқадиган ўйин кўрсатишга уринамиз", - деб Қосимовнинг сўзларини келтириб ўтди ПФЛ расмий сайти.