Мисрлик журналист: «Биз Аргентина устидан ғалабага яқин эдик»

Миср терма жамоаси агенти Эхиб Раджаб жаҳон чемпионати–2026дан жамоанинг чиқиб кетиши юзасидан фикр билдирди.

1/8 финал босқичида африкаликлар Аргентина термасига қарши майдонга тушиб, 2:3 ҳисобида мағлубиятга учради. Миср жамоаси 79-дақиқагача ҳисобда олдин борган бўлса-да, шундан кейин кетма-кет учта гол ўтказиб юборди.

«Менимча, Миср термасидан бундай муваффақиятли ўйинни ҳеч ким кутмаганди. Бутун дунё кўрди – биз амалда жаҳон чемпиони ва тарихдаги энг буюк футболчилардан бири ўйнайдиган жамоани мусобақадан чиқариб юборишга жуда яқин турдик. Афсуски, бу амалга ошмади. Айрим баҳсли вазиятлар ҳақида гапиришни истамайман. Миср терма жамоаси тарих яратди, биз бу билан фахрланишимиз керак», — деди Раджаб.