Моуриньо Мадридга "Ливерпуль"нинг энг зўр ўйинчисини олиб келмоқчи

«Реал» клуби «Ливерпуль» ярим ҳимоячиси Алексис Мак Аллистерни жамоага таклиф этиш имкониятини кўриб чиқмоқда.

El Nacional нашри хабар беришича, мадридликлар бош мураббийи Жозе Моуриньо аргентиналик футболчини майдон марказида ўйинни ташкил этиш учун идеал номзод сифатида кўрмоқда. Португалиялик мутахассиснинг фикрича, Мак Аллистер «Реал»да аввал Тони Кроос бажариб келган вазифаларни ўз зиммасига олишга қодир.

Маълумотларга кўра, яқин кунлар ичида «Реал» вакиллари «Ливерпуль» раҳбарияти билан боғланиб, эҳтимолий трансфер шартларини муҳокама қилишни режалаштирмоқда. Шу билан бирга, мадридликлар футболчининг ўзи Испанияга кўчиб ўтишга қай даражада қизиқиш билдираётганини ҳам аниқлаб олмоқчи.

Хабарда таъкидланишича, Моуриньо таркибни аллақачон шаклланган, юқори даражада ўйнаш тажрибасига эга ярим ҳимоячи билан кучайтиришни истамоқда. Унинг режасига кўра, бундай футболчи узоқ мослашув даврисизоқоқ жамоанинг етакчиларидан бирига айланиши керак.

Ўтган мавсумда 27 ёшли Мак Аллистер барча мусобақалар доирасида 55 та ўйин ўтказди, бешта гол урди ва еттита голли узатма амалга оширди.