Моуриньо "Реал" учун эркин агент ярим ҳимоячини танлади — у Роналдунинг собиқ жамоадоши

Хорватия терма жамоаси ярим ҳимоячиси Марсело Брозович Саудиянинг "Ан-Наср" клубини тарк этгач, эркин агентга айланган эди. Энди у Испаниянинг энг нуфузли жамоаларидан бири сафини тўлдириши мумкин. Бу ҳақда ижтимоий тармоқларда журналист Саша Тавольери хабар берди.

Манба маълумотига кўра, 33 ёшли Брозовични мадридлик "Реал" эркин агент сифатида, яъни трансфер учун тўловсиз қўлга киритиш имкониятига эга. "Қаймоқранглилар" бош мураббийи Жозе Моуриньо тажрибали ярим ҳимоячини жамоага таклиф этиш ғоясига қизиқиш билдирган. Эҳтимолий шартнома бир йил муддатга мўлжалланиши айтилмоқда.

Европада Брозович аввало "Интер" таркибидаги ўйинлари билан танилган. У 2015 йилдан 2023 йилгача Италия гранди шарафини ҳимоя қилди. Хорватия терма жамоаси сафида эса 99 та ўйин ўтказиб, 7 та гол муаллифига айланган.