Моуриньо

"Манчестер Юнайтед" собиқ бош мураббийи Жозе Моуриньо "Арсенал" спорт директори Рауль Санльеи билан тушлик қилди.

"Daily Mail"нинг "The Times"га асосланиб ёзишича, лондонликлар бош мураббий Унаи Эмери ва футболчилар ўртасида юзага келган вазиятдан қаттиқ ташвишда. Раҳбарият испаниялик мутахассисга 1-2 та баҳсга имконият берган.

"Тўпчилар" АПЛни яхши биладиган, катта обрўга эга бўлган мутахассис изламоқда ва Моуриньо Санльеида бу борада катта таассурот қолдирган. Бундан ташқари лондонликлар тил борасида муаммога учрамайдиган мураббийни афзал кўришмоқда.

Илгарироқ, Моуриньо "Арсенал"дан тушган таклифни кўриб чиқишга тайёр эканлиги борасида хабарлар тарқалган эди. Португалиялик мутахассис Англиянинг учта жамоаси билан титул қўлга киритган мураббий бўлиш истагида бу таклифни кўриб чиқмоқда.