Моуриньо буни унутгани йўқ!

“Рома” бош мураббийи Жозе Моуриньо “Манчестер Юнайтед”да ишлаган даврларини эсга олди ва ўз ҳиссиётлари билан ўртоқлашди.

- Биз “Манчестер Юнайтед” билан учта совринни қўлга киритдик. Афсуски, бу совринлар манчестерликлар учун охиргиси бўлиб турибди. Афсус дейишимнинг сабаби эса бу клуб ҳамон менга ёқади.

“Манчестер Юнайтед”га энг самимий тилакларни тилайман. Учта соврин ютганмизми, демак ҳаммаси ҳам ёмон бўлмаган. Лекин клубда иш бошлаган вақтимда айрим одамлар менга қарши тургани ёқмаган эди, - дейди Жозе Моуриньо.

Манчестерликлар португалиялик мураббий қўл остида Футбол лигаси кубоги, Англия Суперкубоги ва Европа лигаси бош совринини қўлга киритган.