Моуриньо ижарадаги футболчини жамоада олиб қолмоқчи

"Фенербахче" бош мураббийи Жозе Моуриньо "Ювентус" ярим ҳимоячисини таркибда сақлаб қолишни хоҳламоқда. Бу ҳақда "TodoFichajes" нашри хабар берди.

Португалиялик мутахассис клубдан 32 ёшли сербиялик футболчи Филип Костични тўлиқ сотиб олишни сўради. Сентябр ойи ўрталаридан бери Костич "Фенербахче"да ижара асосида тўп тепиб келмоқда.

"Фенербахче" ёзда Филипп Костични "Ювентус"дан тахминан 4-5 миллион еврога сотиб олиши мумкин.

Маълумот учун, футболчи Туркия жамоаси сафида 29 та расмий ўйинда майдонга тушиб, иккита гол урган ва ҳамда еттита голли узатмага муаллифлик қилган.