Моуриньо: "Ливерпул"да Клоппдан норози футболчи йўқ

Португалиялик машҳур мутахассис Жозе Моуриньо "Камп Ноу"даги (3:0) мағлубиятдан сўнг "Ливерпул"нинг финалга чиқишига ишонмаганини айтди.

“Воқеалар бундай тус олади деб ўйламагандим. Ушбу ўйин имконсиз нарсанинг йўқлигини яна бир бор кўрсатиб қўйди. “Энфилд” эса бундай воқеалар учун энг зўр жой. Ушбу камбэк Юрген Клопп деб номланади.

Улар мавсумни совринсиз якунлашлари ҳам мумкин. Аммо, ҳозир улар Европа чемпиони бўлишга жуда яқин. Клоппнинг “Ливерпул”даги фаолияти шунчаки ажойиб.  Унинг жамоасида ундан норози бўлган бирорта футболчи йўқ”, - дейди Моуриньо.

Эслатиб ўтамиз, бугун бўлиб ўтадиган "Аякс" - "Тоттенхэм" жуфтлиги ғолиби финалда айнан “Ливерпул”га қарши ўйнайди.