Моуриньо “Манчестер Сити”га тан берди

Англиянинг “Манчестер Юнайтед” клуби бош мураббийи Жозе Моуриньо Англия Премьер-лигасида 1-ўрин учун кураш якунланган деб ҳисоблайди.

“Биз мавсумни иккинчи ўринда якунлашга ҳаракат қиламиз. Биз бу ўринни мавсум давомида эгаллаб келмоқдамиз. Бир муддат 1-ўринга кўтарилдик, сўнг яна иккинчи ўринга қайтдик.

Иккинчи, учинчи, тўртинчи, бешинчи ва олтинчи ўринлар учун қаттиқ кураш кечади. Бироқ 1-ўрин масаласи ҳал  этиб бўлинди.

“Манчестер Сити” қолганларни етказмайдиган даражада, яхши ўйнамоқда. Шу холос.

Мен бу билан “Манчестер Юнайтед”, “Тоттенхэм” ёки “Челси” ёмон ўйнамоқда демоқчи эмасман. Бироқ “Сити” мавсумни яхши бошлади  ва шундай давом этди. Улар ғалабага лойиқ бўлмаган учрашувларни ҳам ўз фойдаларига ҳал этишди”, – деб айтиб ўтди португалиялик мутахассис.