Моуриньо: Рақиб жуда айёр!

А Сериянинг бешинчи турида “Рома” сафар учрашувида “Удинезе” билан куч синашади. Римликлар бош мураббийи Жозе Моуриньо рақиб ўйинчиларнинг айёрлиги ҳакамга таъсир ўтказиши мумкинлигини айтиб ўтди.

- “Удинезе жуда кучли жамоа. Лигадаги энг мураккаб рақиблардан. Бу жамоа қандай ўйнашни билади. Улар ақлли ва айёр. Уларда ҳакамга таъсир ўтказиш учун ақлу-заковат ва катта тажриба бор, - деди Жозе Моуриньо.

“Удинезе” ва “Рома” ўртасидаги ўйин бугун Тошкент вақти билан 23:45 да бошланади.

“Рома” чемпионатнинг дастлабки тўртта учрашувида учта ғалаба ва битта дуранг қайд этган. Бугунги ўйиндаги ғалаба пойтахт жамоасини биринчи ўринга олиб чиқади.