Моуриньо “Рома”да қанча қолади?

“Рома” бош мураббийи Жозе Моуриньодан худди сэр Алекс Фергюсон “Манчестер Юнайтед”ни 20 йил бошқаргани сингари Римда узоқ муддатга қолиш имконияти ҳақида сўрашди. Португалиялик мутахассис журналистларга ўз услубида ажойиб жавоб берди.

- Фергюсон “Манчестер Юнайтед”ни 20 йилдан ортиқроқ бошқарди. Шунда мен Римда 79 ёшимгача қолишим керакми?!

Балки 70 ёшгача шу ерда ишларман. Бу саволни тушундим, менга шу ерда бўлиш ёқади, буни кўриб турибсизлар. Лекин мен уч йиллик лойиҳага розилик берганман. Кейин нима бўлишини вақт кўрсатади.

Шартномам якунланмагунича кетиш ниятим йўқ.  Уёғига лойиҳа қандай ривожланишига қараб иш тутамиз.   Ҳозир энг муҳим жиҳат шуки, мен Римда ишлашни истайман. Бу саволга энг зўр жавоб, - деди Моуриньо.