Моуриньо "Рома"га "Барселона" футболчисини олиб келмоқчи

Янги мавсумдан бошлаб "Рома"ни бошқарадиган португалиялик мутахассис Жозе Моуриньо бўлажак жамоасига кимларни олиб келиш бўйича бош қотиришни бошлади.

Calciomercato нашрининг хабар беришича, Моуриньо Римга биринчилардан бўлиб, "Барселона" ярим ҳимоячиси Франсишку Тринкауни олиб келади. Каталонияликлар 21 ёшли португалиялик футболчини сотмаслиги мумкин. Шу боис “Рома” куни ижарага олишга ҳаракат қилиб кўради.

Тринкау жорий мавсум "Барселона" сафида жами 40 та ўйинда майдонга тушди. У ушбу беллашувларда ўз ҳисобига 3 та гол ҳамда 2 та голли узатма ёздириб қўйишга эришди.

“Барселона” Тринкауни 2020 йилнинг ёзида “Брага”дан 31 миллион евро эвазига сотиб олган.