Моуриньо “Рома”ни “Манчестер Юнайтед”га айлантирмоқда
Жозе Моуриньо “Рома”ни кучайтиришда “Манчестер Юнайтед” ўйинчиларидан фойдаланишга қарор қилган кўринади.
Португалиялик мутахассис яқинда манчестерликлар билан хайрлашган Неманья Матични Римга келишга кўндирган эди.
Айни пайтда спорт директори Тьягу Пинто “Манчестер Юнайтед”нинг тажрибали ҳимоячиси Эрик Байини олиш бўйича иш олиб бормоқда.
Моуриньо бу ўйинчилар билан чекланиб қолмоқчи эмас. У манчестерликлардан Виктор Ленделофни олишни режалаштирмоқда.
“Манчестер Юнайтед”нинг янги бош мураббийи Эрик тен Хаг янги мавсумда асосан бошқа ҳимоячиларга таянмоқчилигини айтганидан кейин швед футболчиси кетишга қарор қилди.
Фикрлар