Моуриньо Роналдуни "Рома"га чорламоқда

"Манчестер Юнайтед"нинг португалиялик ҳужумчиси Криштиану Роналдуда фаолиятини Италия чемпионатида давом эттириши мумкин. Бу ҳақда "Todofichajes" нашрида хабар берилди.

Журналистларнинг фикрига кўра, 37 ёшли форварднинг хизматларига Жозе Моуриньо бошчилик қилаётган пойтахтнинг “Рома” клуби қизиқиш билдирмоқда. Криштиану манфаатларини ҳимоя қилувчи футбол агенти Хорхе Мендеш январ ойидаги трансфер ойнасида мижозининг трансферини римликлар билан муҳокама қилмоқчи. Маълумотларга кўра, шахсон Жозенинг ўзи Роналдуга таклиф билан чиқмоқчи.

Роналдунинг "қизил иблислар" билан шартномаси  2023 йилнинг ёзига қадар амал қилади. Унинг ҳозирги трансфер нархи 20 миллион еврога баҳоланмоқда.