Моуриньо Саудия клубидан таклиф олди
"Рома”нинг собиқ бош мураббийи Жозе Моуриньо Саудия Арабистонининг “Аш-Шабаб” клубидан таклиф олди. Бу ҳақда журналист "Di Marzio" хабар бермоқда.
Манбага кўра, 60 ёшли мураббий таклифни рад қилгани йўқ ва томонлар тез орада музокараларни бошлаши мумкин. Саудия Арабистони чемпионатининг 19-туридан сўнг “Аш-Шабаб” турнир жадвалида 11-ўринда бормоқда.
Эслатиб ўтамиз, Моуриньо 16 январь куни “Рома” бош мураббийлигидан бўшатилган эди. У аввалроқ “Челси”, “Тоттенхэм”, “Манчестер Юнайтед”, “Порту”, “Интер” ва “Реал” клубларини бошқарган.
Фикрлар