Моуриньо ёқтирмаган ўйинчига жиддий клуб даъвогар

“Рома” бош мураббийи Жозе Моуриньо жамоа ҳимоячиси Рик Карсдорпга ўзига янги иш жойи топишини уқтирган эди.

Нидерландиялик ўйинчи оиласи билан Римни тарк этгани ҳақида хабар тарқатилганидан ҳам хабарингиз бор.

Пойтахт клубида юзага келган вазиятдан “Ювентус” унумли фойдаланиб қолмоқчи. Улар Карсдорпни Туринга олиб келишни режалаштирган.

“Ювентус” бош мураббийи Массимилиано Аллегри ёши ўтиб қолаётган Каудрадо ўрнига ёш ва тезкор қанот ҳимоячисини олишни мўлжалламоқда. Рик Карсдорп италиялик мураббийнинг талабларига мос тушади.

Турин клуби январда Карсдорпни мавсум охирига қадар ижарага олишга ҳаракат қилади.