Моуриньони бекор танқид қилган эканман!

“Манчестер Юнайтед”нинг собиқ футболчиси Рио Феринанд Жозе Моуриньо манчестерликларни бошқарган даврда уни танқид қилгани ноҳақ бўлиб чиққанини тан олди.

- Мен Жозе Моуриньонинг ишини нотўғри баҳолаганим учун ундан узр сўрашни истайман.  Ҳозир ҳам айрим масалаларда у идеал вариант топа олмаган, деб ҳисоблайман. Лекин у премьер-лигада иккинчи ўринни олганини танқид қилганимиз нотўғри бўлган экан.

Биз майдондан ташқарида нималардир бўлаётганини билардик, бироқ келишмовчиликларнинг кўламини Моуриньочалик кўп англамаганмиз. Жозе кўп ўйинчилардан қутилишни ва уларнинг ўрнига бошқа ижрочиларни олиб келишни истаган эди.

Шунингдек, португалиялик мутахассис таркибдаги айрим ўйинчиларга катта шартномалар берилишига қарши бўлган, - деди Рио Фердинанд.