Муҳаммад Салоҳ бу натижага Роналдудан тез эришди

“Ливерпуль” ҳужумчиси Муҳаммад Салоҳ Англия премьер-лигасида гол уриш бўйича Криштиану Роналдуга етиб олди.

Айни пайтда ҳар мисрлик футболчи урган голлар сони Роналдуники каби 84тани ташкил қилмоқда. Бу натижага етишиш учун Салоҳ португалиялик футболчидан 65 та ўйин кам ўтказган.

Шунингдек, Муҳаммад Салоҳ “Ливерпуль”нинг Европа  Чемпионлар лигасидаги энг яхши тўпурари ҳисобланади. Мисрлик ҳужумчи қитъанинг энг нуфузли мусобақада ливерпулликлар учун 22 та гол урган.