Муҳаммад Салоҳга кутилмаган харидор чиқди

“Ливерпуль” ҳужумчиси Муҳаммад салоҳ келаси мавсум А Серияга қайтиши мумкин, деб хабар бермоқда Football Italia нашри.

Манбанинг ёзишича, ёзда таркибини кучайтиришни мақсад қилган “Ювентус” мисрлик тўпурарга харидор бўляпти.

Туринликлар 29 ёшли ҳужумчини жамоанинг янги етакчисига айлантиришни режалаштирмоқда.

Салоҳнинг ливерпулликлар билан келишуви келаси мавсум якуналанади. Янги битим бўйича музокаралар муваффақиятли ўтмади. Томонлар маош миқдори бўйича келиша олмаяпти.

Агар клуб мутасаддилари ёзгача ўйинчини янги келишувга кўндира олмаса, Муҳаммад Салоҳни сотиб юборишга тўғри келади.