Муҳим ўйин олдидан Шомуродов машғулотларга қайтди!

Ҳамюртимиз Элдор Шомуродов бироз муддатга чўзилган танаффусдан сўнг, яна умумий гуруҳ машғулотларига қайтди.

"Женоа" клуби матбуот хизмати бугунги машғулот жараёнидан суратларни эълон қилди. Генуяликларни А Серия 8-туридан ўрин олган "Удинезе"га қарши муҳим учрашув кутиб турибди. Жамоалар турнир жадвалида ёнма-ён жойлашган ва ғалаба қозонган клуб хавфли ҳудуддан узоқлашиб олиш имкониятига эга бўлади.

"Удинезе" - "Женоа" беллашуви 22 ноябрь куни "Дачия Арена"да ўтказилиши режалаштирилган.