Mundial startiga 28 kun qoldi. Futbol vatani bo‘lgan va tarkibida daxshatli yulduzlari bo‘lgan Angliya terma jamoasi haqida

JCh-2022 startiga tobora oz vaqt qolmoqda. Muxlis va mutaxassislarni intizorlik bilan kuttirayotgan turnir tez orada boshlanadi.

Qaysi terma jamoalar JCh-2022da ishtirok etishini yaxshi bilasiz. Agar hamon bundan xabardor bo‘lmasangiz yana bir  bor eslatib o‘tib ketamiz.

Mundial startiga 28 kun qolgan va biz ketma-ketlikda termalar bilan sizni tanishtirib o‘tamiz. Demak, “ B” guruhining vakili Angliya orqali o‘ziga xos “chellenj”imizni davom ettiramiz.

Oldinroq biz “A” guruhining Qatar, Ekvador, Senegal va Niderlandiya kabi terma jamoalari bilan tanishib chiqqan edik. Endigi navbat “B” guruhining birinchi ishtirokchisi, futbol vatani hisoblangan Angliya haqida ma’lumot beramiz.

Jamoa haqida

Angliya futbol assotsiatsiya (FA). Laqabi — “uch sherlar”.

Tashkil topgan yil: 1863 yil, 26 oktyabr (FIFA’ga 1905 yil a’zo bo‘lgan)
Jamoa bosh murabbiyi: Garet Sautgeyt
Jamoa sardori: Xarri Keyn

Ilk rasmiy uchrashuvi: Shotlandiya – Angliya 0:0 (1872)
Eng yirik g‘alaba: Irlandiya – Angliya 0:13 (1882)
Eng yirik mag‘lubiyat: Vengriya – Angliya 7:1 (1954)

Angliya terma jamoasi ayni paytda FIFA reytingida 5-o‘rinni egallab turibdi. Ularning eng yomon natijasi esa 15-pog‘ona bo‘lib, 2008 yilgi Evropa chempionatiga yo‘llanmani qo‘lga kirita olmagach, o‘sha yilning sentyabr oyida kuchli o‘nlikdan tushib ketgan.

Inglizlar 1950 yilgacha jahon chempionatlarida qatnashmagan, ammo keyingi 18 turnirning deyarli barchasida ishtirok etib keladi. Angliya uch marta JChdan quruq qolgan: 1974 (G‘arbiy Germaniya), 1978 (Argentina) va 1994 (AQSh), shuningdek uch marta guruh bosqichidan keyin musobaqa bilan xayrlashgan; 1950, 1958 va 2014 yillarda. Angliya terma jamoasining eng yaxshi ko‘rsatkichi 1966 yilda kuzatilgan. O‘shanda “uch sherlar” o‘z maydonida o‘tkazilgan mundialda bosh sovringa ega chiqqan. Qolaversa, ular 1990 yilda Italiyada va 2018 yilda Rossiyada o‘tkazilgan JChda to‘rtinchi o‘rinni egalladi.

Turnirgacha bosib o‘tgan yo‘li

Angliya terma jamoasi Qatardagi jahon chempionati chiptasini mag‘lubiyatlarsiz qo‘lgan kiritdi. Ular saralashning deyarli barcha uchrashuvlarida g‘alaba qozondi. Faqatgina, Vengriya va Polshaga qarshi o‘yinlarda durang o‘ynadi. Qolgan 8 bahsda esa g‘alabani tantana qildi. “Uch sherlar” saralashda “I” guruhidan joy oldi va 26 ochko to‘plagan holda mundialga yo‘llanma oldi.

Angliya saralashda juda ham sermahsul o‘yin namoyish etdi. Buni 10 ta bellashuvda 39 ta gol urib, o‘z darvozasidan atigi 3 ta gol o‘tkazib yuborganidan ham sezish mumkin. Xususan, Garet Sautgeyt shogirdlari San-Marino terma jamoasiga qarshi ikki o‘yinda jami 15 ta gol kiritishni uddaladi. Shuningdek, Andorrani umumiy 9:0 (4:0, 5:0), Albaniyani ikki o‘yin natijasiga ko‘ra 7:0 (2:0, 5:0, Vengriyani 5:1 (4:0, 1:1) va Polshani 3:1 (2:1, 1:1) hisobida mag‘lubiyatga uchratdi.

Angliya terma jamoasi so‘nggi uchrashuvini Evropa Millatlar ligasi doirasida Germaniyaga qarshi o‘tkazgan bo‘lib, jangovor 3:3 hisobida durang o‘yndi.

Tarkib

Angliya terma jamoasi 2018 yil Rossiya maydonlarida o‘tkazilgan jahon chempionatida 4-o‘rinni egalladi. Qatardagi mundialda ham inglizlar favoritlar qatorida e’tirof etilmoqda. Buni “uch sherlar”ning yulduzli tarkibidan ham bilish mumkin. Ayni paytda Angliya terma jamoasida Jud Bellingem, Xarri Keyn, Xarri Maguayr, Raxim Sterling, Jon Stounz, Fil Foden, Temmi Abraxam, Ris Jeyms, Erik Dayer, Meyson Maunt va Kayl Uoker kabi ko‘plab top-darajadagi futbolchilar to‘p tepadi. Ushbu charm to‘p ustalari o‘z klublarining etakchilari hisoblanadi. Shu bois, inglizlarni JCh favoritlari qatoriga qo‘shish mumkin.

Xususan, Xarri Keyn ayni paytda dunyodagi eng yaxshi hujumchilardan biri hisoblanadi. U hozirda Angliya terma jamoasi tarixidagi eng yaxshi ikkinchi to‘purar bo‘lib turibdi. “Tottenxem” hujumchisi keyingi bahslarda yana ikkita gol ursa, “uch sherlar”ning eng yaxshi to‘purari Ueyn Runiga etib oladi. Hozir MYu sobiq hujumchisi hisobida 53 ta gol bor.

JCh-2022'dagi taqvimi

Anglyai Qatardagi jahon chempionatining “B” guruhida, tartib bo‘yicha 1-jamoa sanaladi. Ularning taqvimi quyidagicha:

21 noyabr. Angliya – Eron
26 noyabr. Angliya – AQSh
30 noyabr. Uels – Angliya