Мундиалда гол урган футболчи ўзига суперклубга йўл очди

«Манчестер Юнайтед» клуби раҳарияти Сенегал миллий терма жамоаси ва «Кристал Пэлас» клуби ҳужумчиси Исмаилу Сарр га жиддий қизиқмоқда. 

TEAMtalk нашри маълумотига кўра, манкунианлар 28 ёшли вингернинг вакиллари билан аллақачон алоқа ўрнатган ва трансфер имкониятларини ўрганиб чиқмоқда.

Манбанинг қайд этишича, манчестерликлар Саррни 2026 йилги жаҳон чемпионатигача кузатиб келаётган эди. Бироқ унинг мусобақадаги ўйини клубни футболчини сотиб олиш масаласини жиддий кўриб чиқишга ундаган. 

Шу билан бирга, «Манчестер Юнайтед» учун бу трансферни амалга ошириш осон бўлмаслиги таъкидланмоқда, чунки «Кристал Пэлас» ҳужумчи учун юқори миқдорда тўлов талаб қилиши кутилмоқда.

Сенегал терма жамоаси ҳужумчиси жаҳон чемпионатида тўрт ўйин ўтказиб, тўртта гол урди ва икки голли узатма муаллифига айланди. Африка жамоаси мусобақани 1/16 финал босқичида тарк этди.