Мураббий: "Арман Царукян – Илия Топурия даражасидаги жангчи эмас"

Енгил вазн тоифасида UFC чемпиони Илия Топуриянинг мураббийи Хави Клемент "Матадор" ҳамда Россия ва Арманистон шарафини ҳимоя қилувчи Арман Царукян ўртасидаги эҳтимолий жанг ҳақида гапирди.

"Афсуски, Арман бир нечта хатоларга йўл қўйди ва ҳали ҳамон бунинг бадалини тўламоқда. Шундай бўлса-да, у Топурияга қарши жанг қилиш учун бор кучини сарфлаяпти ва аста-секин даъвогар сифатида ўз ўрнини қайтариб олгани ҳам рост. Ҳозир Илия ва Царукян  ўртасидаги жанг ғояси ажойиб туюлмоқда ва биз ҳам бу тўқнашув бўлиб ўтишини истисно қилмаймиз. Аслида, биз у билан жанг қилишни жуда хоҳлаймиз. Бироқ Арманнинг Илияга кучи етмайди, деб ўйлайман. Царукян Топуриянинг "даражаси" эмас!", – деб айтди Климент "Abc.es" нашрига берган интервьюсида.

Эслатиб ўтамиз, Арман UFC даги охирги жангида Дэн Хукерни 2-раундда сабмишн эвазига енган бўлса, Топурия бразилиялик Чарльз Оливейрани 1-раундда нокаутга учратган эди.