Муроджон Аҳмадалиев: "Ҳозирча фақат ҳимоя жанги ҳақида ўйлаяпман"

Муроджон Аҳмадалиевни жуда  муҳим жанг кутиб турибди. У Тошкентда ўзига тегишли бўлган икки йўналиш чемпионлик камарини Япония вакили Рёсукэ Ивасадан ҳимоя қилади. Мазкур муҳим жанг аввалида юртдошимиз "Matchroom boxing"  медиасига ўз фикр ва мулоҳазаларини билдирди.

- Ўз ватанимда, ҳамюртларим кўз олдида камарларимни биринчи марта ҳимоя қилиш, мен учун катта шараф ва ўз ўрнида катта маъсулият ҳам юклайди. Рақибим Рёсуке Иваса жуда жиддий боксчи ҳисобланади. Шунинг учун мен қийин жангга тайёргарлик кўрмоқдаман. Ҳозирча фақат ҳимоя жанги ҳақида ўйлаяпман. Кейинчалик барча камарларни бирлаштиришни мақсад қилганман.