Муроджон Аҳмадалиевнинг рақиби яна қайтмоқда ёхуд у WBC камари учун ҳаракатни бошлади

Иккинчи ярим енгил вазнда (55.2кг) икки йўналиш собиқ чемпиони америкалик Даниэль Роман (27-3-1, 10 КО) WBC жаҳон чемпионлик камари учун элиминатор яъни, саралаш жангида рингга кўтарилади. 26 сентябрга белгиланган баҳсда унга Эмануэль Родригес ( 19-1, 12 КО) рақиблик қилади.

Жанг кечаси PBC промоутерлик компанияси томонидан ташкил қилинмоқда ва "Showtime"  канали орқали трансляция қиланади. Кечанинг марказий жангида Жермалл Чарло украиналик Сергей Деревянченкодан WBC жаҳон чемпионлик камарини ҳимоя қилади.

Маълумот учун, Роман жорий йилнинг 30 январь куни ҳамюртимиз Муроджон Аҳмадалиевга қарши рингга кўтарилиб, очколар ҳисобида мағлуб бўлган. Ушбу муваффақиятсизлик оқибатида океан орти вакили ўзига тегишли бўлган WBA, IBF жаҳон чемпионлик камарларини бой бериб қўйганди.