МЮ афсонаси "Барселона"га "тош отди" ва Кундени хавфдан огоҳлантирди

"Манчестер Юнайтед" собиқ ҳимоячиси Гари Невилл Жюль Кунденинг трансферига ўз муносабатини билдирди. 

Франциялик футболчи "Севилья"ни тарк этиб, "Барселона"га кўчиб ўтди. У кеча каталонияликлар сафида тиббий кўрикдан ўтди ва шу куннинг ўзида мазкур трансфер эълон қилинди. 

"Кунде қачондир "Барселона" ундан қутулишни истаса, ҳатто маошини ҳам ололмаслигини билармикан", - деди Невилл. 

Аввалроқ, англиялик ўйинчи "кўк-анорранглилар" олиб бораётган сиёсатни танқид қилиб, ярим ҳимоячи Френки Де Йонгга нисбатан бўлаётган муносабат учун клубни судга беришга ундаган.