МЮ афсонаси: "Де Йонг "Барселона"ни судга бериши керак"

Англия терма жамоаси собиқ футболчиси Гари Невилл "Барселона" ярим ҳимоячиси Френки Де Йонг маоши камайтирилгани учун каталонияликларни судга бериши керак, деб ҳисоблайди. 

"Де Йонг "Барселона"ни судга беришни ўйлаб кўриши ва барча футболчилар уни қўллаб-қувватлаши лозим. Клуб ўзини ахлоқсиз тутмоқда. Янги ўйинчиларни қўлга киритиш учун ўз таркибидагиларнинг маошини қисқартириш тўғри эмас", - деди Невилл. 

Маълумот учун, "кўк-анорранглилар" Френкининг маоши юқорилиги учун уни МЮга сотишни истаётганди. 25 ёшли ярим ҳимоячи "қизил иблислар" сафига ўтиш ниятида эмас ва қолиш учун маошининг камайишига ҳам рози.