MYu Amorim o‘rniga ikki nomzod topib qo‘ydi

"Manchester Yunayted" rahbariyati jamoa bosh murabbiyi Ruben Amorim iste’foga chiqarilsa uning o‘rnini egallashi mumkin bo‘lgan nomzodlar ro‘yxatini tuzishdi. Bu haqda Caught Offside xabar bermoqda.

Manbaga ko‘ra, "qizil iblislar"ning rasmiy short-listida ikki nom bor - "Kristal Pelas"ni boshqarayotgan Oliver Glasner va "Bornmut"ni boshqarayotgan Andoni Iraola.

Ta’kidlanishicha, hozirda Glasnerning nomzodi direktorlar kengashi tomonidan eng ko‘p muhokama qilinmoqda. Avstriyalik mutaxassis "Manchester Yunayted"ga ishga joylashish imkoniyatiga ega bo‘lishidan xursand bo‘ladi.

Shuningdek, mankunianliklar Angliya terma jamoasining sobiq murabbiyi Garet Sautgeytga qiziqish bildirmoqda, ammo klub muxlislarning salbiy reaktsiyasidan xavotirda.